Nerġgħu niftħu l-ISKEJJEL TAS-SNAJJA'

Nerġgħu niftħu l-ISKEJJEL TAS-SNAJJA'

Il-pajjiż qed jokrob biex jerġa' jiftaħ l-iskejjel tas-snajja' u jibdew mill-età ta' 13-il sena. L-istudenti malli jtemmu l-ewwel sentejn tas-sekondarja għandhom jingħataw iċ-ċans biex jagħżlu li jibdew jattendu fi skola tas-snajja', jagħżlu tliet snajja' u jispeċjalizzaw f'waħda. L-iskola tagħti opportunitajiet ta' apprendistati u aktar tard għal start-up ta' negozju fis-sengħa partikolari. It-talent Malti jixraqlu skola tas-snajja' li tħarrġu u tħaddmu.

Points

Irrid inżid ngħid li dan hu sforz biex jonqos bil-kbir l-għadd ta' studenti li jħallu s-sekondarja mingħajr ċertifikat tat-tluq jew mingħajr kwalifiki xierqa għas-suq tax-xogħol. Irridu skola tas-snajja' li taħseb fil-suġġetti ewlenin bħas-somom u l-lingwi, daqs kemm taħseb fis-suġġetti applikati bħall-injam, il-ħadid, il-ġebel, il-ħġieġ. Irridu forza tax-xogħol kwalifikata. L-istigma hemm modi kif tista' teqridha, mhux billi teqred l-iskejjel tas-snajja'.

Ma naqbilx miegħek Sur Vella, jekk l-iskola tkun state-of-the-art u tkun toffri MQF level 4, 5 u 6, ma jkollhiex stigma. L-istigma fl-iskejjel tas-snajja' kienet teżisti minħabba tmexxija ħażina jew għax ma kinux jagħtu ċertifikati rikonoxxuti u ta' livell għoli. Dak kien żmien ieħor. Illum jeħtieġ niftħu dawn l-iskejjel tas-snajja' mingħajr dewmien biex jidħlu fihom mijiet ta' studenti fit-tielet sena tas-sekondarja, ikollhom ċans jagħmlu l-Olevels fis-suġġetti ewlenin u fis-suġġetti applikati.

L-iskejjel tas-snajja tneħħew għax kienu qed joħolqu sterjotipar ta' tfal u żgħażagħ. Li tmur skola tas-snajja kien bħal timbru li tifel jew tifla "mhux tajbin għall-iskola". Minflokhom inħoloq l-MCAST li sar waħda mill-istituzzjonijiet l-iktar popolari u importanti tal-pajjiż. Jekk hemm bżonn jissaħħaħ l-MCAST u jiftħu iktar korsijiet imma li nerġgħu immorru lura ġenerazzjoni u niftħu l-iskejjel tas-snajja ikun żball enormi. U inġustizzja.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information